पनवेल (२९ सप्टेंबर): कोविड 19 चा प्रादुर्भाव तसेच मच्छिमारांचे आर्थिक नुकसान टाळण्यासाठी करंजा संस्थेने सादर केलेल्या यादीतील १०० मासेमारी नौकांना तात्पुरत्या स्वरूपात / कालावधीत त्यांच्या करंजा बंदर येथे मासे विक्री करण्यास परवानगी देण्यात यावी, अशी मागणी शेतकरी कामगार पक्षाचे नेते, विधान परिषदेचे आमदार भाई बाळाराम पाटील यांनी उद्योग,खनिकर्म,पर्यटन, फलोत्पादन राज्यमंत्री तथा रायगड जिल्ह्याचे पालकमंत्री अदिती तटकरे यांच्याकडे निवेदनाद्वारे केली आहे. आमदार भाई बाळाराम पाटील यांनी अदिती तटकरे यांना दिलेल्या निवेदनात म्हटले आहे की, रायगड जिल्हयातील करंजा संस्थेच्या यादीतील नमूद मासेमारी नौका मुंबई शहर जिल्हयात कार्यरत असून नविन भाऊचा धक्का व ससून डॉक बंदरातील वर्तमान…